दार्चुला । दार्चुलाको अपिहिमाल गाउँपालिकाका चैत्र ३ गतेबाट सुरु भएको एकीकृत घुम्ती शिविर जारी रहेको छ ।
गाउँपालिकाबाट प्रवाह हुने सेवाहरु टोलस्तरबाटै दिने उद्धेश्यले सञ्चालन गरिएको घुम्ती शिविर गाउँपालिकाका ६ वटै वडाहरुमा चैत्र २४ गतेसम्म सञ्चालन गरिने अपिहिमाल गाउँपालिका अध्यक्ष भक्त सिंह ठेकरे बोहराले जानकारी दिनुभयो ।
हालसम्म वडा नम्बर ३ का टोलहरुमा शिविर सम्पन्न भइ अहिले वडा नम्बर ६ का बस्तीहरुमा शिविर सञ्चालनमा रहेको गाउँपालिकाका सूचना अधिकारी पान सिंह ठगुन्नाले जानकारी दिनुभयो । जसअनुसार हालसम्म वडा नम्बर ३ र ६ का ३९६ जना महिला र १९० जना पुरुष गरी कुल ५८६ जनाले टोलस्तरबाटै सेवा लिएको उहाँले जानकारी दिनुभयो ।
वडा नम्बर ३ का विभिन्न टोलहरुमा ३ गतेदेखी ६ गतेसम्म सञ्चालन भएको शिविरमार्फत २०८ जना महिला र ९९ जना पुरुष ६ गतेदेखि वडा नम्बर ६ का टोलहरुमा १८७ जना महिला र ९३ जना पुरुष गरी जम्म ५८६ जनाले सेवा लिएको बताइएको छ । शनिवार (आज) पनी वडा नम्बर ६ मा शिविर जारी रहेको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया