दार्चुला । दार्चुलाको लेकम गाउँपालिका वडा नम्बर ४ मा अवस्थित खरकडा स्वास्थ्य चौकीमा निःशुल्क प्रजनन् स्वास्थ्य शिविर सुरु भएको छ ।
स्वास्थ्य कार्यालय दार्चुलाको आयोजनामा बैशाख ७ गते (आज) र ८ गते (भोली) शिविर सञ्चालन हुने बताइएको छ । शिविरको पहिलो दिन आज ६८ जना महिला र ४ जना पुरुष गरी कुल ७२ जनाले सेवा लिएका छन् ।
जसमध्ये ५ जनाले परिवार नियोजन सम्बन्धि सेवा लिएका छन् । त्यतै १५ जनाको पाठेघरको मुखको जाँच, १३ जनाको अल्ट्रासाउण्ड र २४ जनाको रगत तथा पिसाब जाँच गरिएको बताइएको छ ।
यसअघि जिल्लाको शैल्यशिखर नगरपालिका वडा नम्बर ८ मा अवस्थित बोहरीगाउँ स्वास्थ्य चौकीमा शिविर सम्पन्न भएको थियो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया