दार्चुला । दार्चुलाको लेकम गाउँपालिकामा भू–उपयोग योजना सम्बन्धि छलफल तथा अभिमुखिकरण कार्यक्रम सम्पन्न भएको छ ।
गाउँपालिका अध्यक्ष रामदत्त जोशीको अध्यक्षतामा सञ्चालन गरिएको छलफलबाट भू–उपयोग योजना तयारीका लागि आएका विज्ञहरुको सहभागीतामा गाउँपालिकाका ६ वटै वडाहरुमा स्थलगत सर्वेक्षण र वडा बैठक बस्ने निर्णय गरिएको छ ।
जसअनुसार जेठ १५ गते वडा नम्बर ३ लालीमा, १६ गते वडा नम्बर ४ खरकडामा, १७ गते वडा नम्बर २ कुणीमा स्थलगत सर्वेक्षण तथा वडा बैठक बस्ने निर्णय गरिएको रोजगार संयोजक जोशीले बताउनुभयो । त्यस्तै जेठ १८ गते वडा नम्बर वडा नम्बर १ को सर्मोली बडिपूरमा, १९ गते वडा नम्बर ६ को उचाकोटमा र २० गते वडा नम्बर ५ को रिठाचौपातामा स्थलगत सर्वेक्षण तथा वडा बैठक बस्ने बताइएको छ ।
लेकम गाउँपालिकाको आयोजना तथा धामी इन्जिनियरिङ कन्सल्टेन्सी प्रालिको प्राविधिक सहयोगमा अभिमुखिकरण कार्यक्रम सञ्चालन गरिएको लेकम गाउँपालिकाका रोजगार संयोजक राधावल्लब जोशीले जानकारी दिनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया