दार्चुला । सोमवार (आज) विहान निधन भएका दार्चुलाको ब्याँस गाउँपालिका वडा नम्बर २ मालगाउँका ८० वर्षीय गगनसिंह बोहरा मुर्रयालको अन्तेष्टि गर्न समस्या भएको छ ।
मृतक बोहराका छोरा,बुहारीहरु यार्चागुम्बा संकलनका लागि विगत १ महिनादेखि ब्याँस गाउँपालिकाका वडा नम्बर २ को दुधिवन लेकतिर गएको हुदाँ अन्तेष्टि गर्न समस्या भएको स्थानीय लोकेन्द्र सिंह धामीले जानकारी दिनुभयो ।
उक्त क्षेत्रमा फोन सम्पक समेत नहुदा छोरा,बुहारीहरुलाई खबर गर्न नसकिएको उहाँले बताउनुभयो । शवलाई अहिले स्थानीयहरुले कुरिरहेका छन् । मृतक बोहराको घरमा बृद्ध श्रीमतीमात्रै रहेको बताइएको छ ।
दार्चुलाको मार्मा गाउँपालिका वडा नम्बर ५ मुर्रै पुर्खौली घर भएका बोहरा परिवार विगत केहि वर्षयता ब्याँस गाउँपालिकाको मालगाउँ बस्दै आएका छन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया