दार्चुला । क्षमता भन्दा बढी कैदीबैन्दी भएर व्यवस्थापमा चुनौती झेल्दै आएको दार्चुला कारागारमा थप ९ जना कैदीबन्दी स्थानान्तरण गरिएको छ । ४० जना कैदीबन्दी राख्ने क्षमता रहेको दार्चुला कारागारमा हाल क्षमताको दोब्बर भन्दा बढी ८७ जना कैदीबन्दी रहेका छन् ।
कारागारमा अहिले सबै पुरुष कैदीबन्दी मात्रै रहेका छन् । क्षमता भन्दा बढी कैदीबन्दी राख्नुपर्ने अवस्थाले व्यवस्थापन र सुरक्षाका चुनौती थपिएको कारागार प्रशासनले जनाएको छ ।
जिल्ला कारागारमै क्षमता बन्दा बढी कैदीबन्दी रहेको अवस्थामा थप ९ जना कैदीबन्दीलाई बैतडीबाट स्थानान्तरण गरी दार्चुला कारागार पठाइए पछि व्यवस्थापनमा समस्या थपिएको छ ।
जिल्ला कारागार बैतडीको कारागार भवन पुननिर्माण हुने भएपछि त्यहा रहेका कैदीबन्दीलाई दार्चुला, डडेल्धरासहित अन्य कारागारमा सरुवा गरिएको थियो । सोही अनुसार ६ जना थुनुवा र ३ जना कैदीगरी ९ जनालाई दार्चुला कारागारमा स्थानान्तरण गरिएको हो ।
कारागारमा कैदीबन्दीको संख्या बढ्दै गए पनि भौतिक संरचनामा भने सुधार भएको छैन ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया