दार्चुला । काठमाडौंको माइतीघरमा प्रदर्शनमा उत्रिएका ‘जेनजी’लाई फेरि प्रहरीले नियन्त्रणमा लिएको छ । केही जेनजीलाई यसअघि नियन्त्रणमा लिइए पनि प्रहरीले तत्कालै छाडेको थियो ।
सोमबार ९पुस ७० प्रदर्शनमा उत्रिएका जेनजी अगुवालाई प्रहरीले नियन्त्रणमा लिएको हो । मिराज ढुंगाना, रविकिरण हमाल, अजय सोडारीलगायत जेनजीलाई प्रहरीले नियन्त्रणमा लिएको छ । उहाँहरूलाई प्रहरीको गाडीमा राखिएको छ ।
मिराज, डा. निकोलस भुसाललगायत जेनजीलाई प्रहरीले यसअघि पनि नियन्त्रणमा लिएको थियो । उहाँँहरूलाई प्रहरीले लैजान खोजेको थियो । तर, प्रहरीको गाडीमा बस्न मानेनन् । भीडले नाराबाजी गर्यो । त्यसपछि प्रहरीले उनीहरूलाई तत्कालै छाडेको भए पनि अहिले पुनः नियन्त्रणमा लिइएको हो ।
त्यहाँ आन्दोलन गर्न जिल्ला प्रशासन कार्यालय काठमाडौंले आज प्रर्दशनको अनुमति दिएको थिएन । अनुमतिविपरीत प्रदर्शनमा उत्रिएकाले हटाउन खोजिएको प्रहरीले जनाएको छ ।
मिराजलगायत जेनजी सर्वपक्षीय सरकारसहितका माग राखेर आन्दोलनको घोषणा गर्दै सडकमा उत्रिएका हुन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया