दार्चुला । दार्चुलाको लेकम गाउँपालिका वडा नम्बर ५ मा रहेको ऐडिबाग माध्यमिक विद्यालयको अभिभावक भेला सम्पन्न भएको छ। भेलाले विद्यालय व्यवस्थापन समिति सदस्य चयन र शिक्षक अभिभावक संघ गठन गरेको विद्यालयका प्रधानाध्यापक जयानन्द जोशीले बताउनुभयो ।

शुक्रबार बसेको भेलाले विद्यालय व्यवस्थापन समिति सदस्यहरूमा देवराज जोशी, बिष्णुदत्त जोशी, गोमती जोशी र जानकी जोशीलाई चयन गरेको उहाँले बताउनुभयो । एक जना शिक्षक प्रतिनिधि, एक जना वडा प्रतिनिधि र दुई जना मनोनीत सदस्य रहनेछन्। विव्यस सदस्य सचिव प्रधानाध्यापक रहने व्यवस्था छ।

यस्तै राधापल्लब जोशीको अध्यक्षतामा शिक्षक अभिभावक संघ गठन गरिएको प्रधानाध्यापक जोशीले बताउनुभयो । शिक्षक अभिभावक संघको सदस्यहरूमा देबिदत्त जोशी, हरिदत्त जोशी, गंगादत्त जोशी, कौशीला जोशी, शिवदत्त जोशी, राधा जोशी र भानदेव जोशी चयन भएको प्रधानाध्यापक जोशीले जानकारी दिनुभयो।

जेष्ठ अभिभावक अम्बादत्त जोशीको अध्यक्षतामा आयोजित भेलामा लेकम गाउँपालिकाका पुर्वअध्यक्ष परमानन्द जोशीको प्रमुख आतिथ्यता तथा समाजसेवी, शिक्षाप्रेमी अभिभावकहरूको उपस्थिति रहेको उहाँले बताउनुभयो।