दार्चुला । दार्चुलाको शैल्यशिखर नगरपालिका–९ सिन्याडी खोलामा एउटा चितुवा मृत अवस्थामा फेला परेको छ । खोलामा मरेर सडे गलेको अवस्थामा चितुवाको बच्चा फेला परेको डिभिजन वन कार्यालय दार्चुलाका रेन्जर दुर्गा अवस्थीले जानकारी दिनुभयो ।
४५ इन्च लामो चितुवाको बच्चा मृत अवस्थामा फेला परेपछि डिभिजन वन कार्यालय र ईलाका प्रहरी कार्यालय दार्चुलाको टोलीले उद्धार गरी अस्थाई प्रहरी पोष्ट गोकुलेश्वरको कम्पाउण्डमा गाडेर अन्तेष्टी गरिएको उहाँले बताउनुभयो ।
चितुवा मृत फेला परेको स्थानमै गाईको सिनो समेत भेटिएकोले गाईको सिनो खाएर मरेको हुनसक्ने अनुमान गरिएको बताइएको छ । गाई र चितुवालाई समेत गिद्धहरुले खाएको अवस्थामा फेला परेको उहाँले बताउनुभयो । मृत चितुवालाई उद्धार गरी गोकुलेश्वरमा खाडलमा गाडेर व्यवस्थापन गरिएको छ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया