दार्चुला । आगामी फागनु २१ गते हुने प्रतिनिधिसभा सदस्य निर्वाचनका लागि बैतडीबाट स्वतन्त्र रुपमा उम्मेदवारी दिएका तेजबहादुर चन्दले आफ्नो उम्मेदवारी फिर्ता लिनुभएको छ ।
मुख्य निर्वाचन अधिकृत तिर्थराज भट्टले स्वतन्त्र उम्मेदवार चन्दले अफ्नो उम्मेदवारी फिर्ता लिएको जानकारी दिनुभयो । उहाँ नेपाली काँग्रेस सुदूरपश्चिम प्रदेश कार्यसमिति सदस्य तथा जिल्लाबाट पूर्वमहाधिवेशन प्रतिनिधि समेत हुनुहुन्छ। चन्दले उम्मेदवारी फिर्ता लिएसंगै अब बैतडीमा ११ जनाको उम्मेदवारी कायम भएको छ। मुख्य निर्वाचन अधिकृतको कार्यालयले उम्मेदवारहरुको अन्तिम नामावली प्रकाशन गरेको छ।
अब नेकपा (एमाले) का दामोदर भण्डारी, नेपाली काँग्रेसका चतुरबहादुर चन्द, नेपाली कम्युनिष्ट पार्टीका प्रमानन्द भट्ट, राष्ट्रिय स्वतन्त्र पार्टीका हरिमोहन भण्डारी, राष्ट्रिय प्रजातन्त्र पार्टीका भुपेनबहादुर चन्द, जनता समावदी पार्टी नेपालका आनसिंह भण्डारी, श्रम संस्कृती पार्टीका गजेन्द्रराज पाण्डेय, नेपाल मजदुर किसान पार्टीका नवराज कोइराला, नेपाल कम्युनिष्ट पार्टी ९माओवादी०का रामबहादुर कुँवर, आम जनता पार्टीका बिसनसिंह बोहरा र स्वतन्त्र उम्मेदवार जयप्रकाश पन्तबीच चुनावी प्रतिष्पर्धा हुने भएको छ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया