दार्चुला । दार्चुला भन्सार कार्यालयले भन्सार दिवसको पूर्वसन्ध्यामा अनाथालयका बालबालिकालाई शैक्षिक सामग्री वितरण गरेको छ ।
७४औँ अन्तर्राष्ट्रिय भन्सार दिवसको पूर्वसन्ध्यामा भन्सार कार्यालयले जिल्ला सदरमुकामस्थित महेन्द्र मावि खलंगाको अनाथालयका बालबासलिकालाई शैक्षिक सामग्री वितरण गरेको दार्चुला भन्सार कार्यालयका कार्यालय प्रमुख दिनेश धामीले जानकारी दिनुभयो ।
अनाथालयका २० जना बालबालिकालाई शैक्षिक सामग्री झोला, कपि, पेन्सिल, पेन, ज्यामिती बक्स लगायतका सामग्री वितरण गरिएको होे । त्यस्तै शनिबार नै जिल्ला अस्पतालका बिरामीलाई फलफुल वितरण गरिएको छ । दिवसको पूर्वसन्ध्यामा जिल्ला अस्पतालको इर्मेजेन्सी वार्डमा रहेका सबै बिरामीलाई फलफुल वितरण गरिएको कार्यालय प्रमुख धामीले बताउनुभयो ।
यस अघि कार्यालयले शुक्रबार भन्सार कार्यालय परिसरमा सरसफाई गरेको थियो । हरेक वर्षको जनवरी २६ तारिखका दिन यो दिवस मनाउने गरिन्छ ।
दार्चुला भन्सार कार्यालयले पनि दिवस मनाउने तयारी गरिरहेको उहाँले बताउनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया