दार्चुला । न्युजिल्यान्डसँगको टी–२० शृङ्खलाअन्तर्गत पाँचौ तथा अन्तिम खेलमा भारत विजयी भएको छ । योसँगै भारतले शृङ्खला ४–१ ले जितेको छ ।
हिजो बेलुका भएको खेलमा घरेलु टोलीसँग न्युजिल्यान्ड ४६ रनले पराजित भयो । भारतले दिएको २ सय ७२ रनको ठूलो लक्ष्य पछ्याएको न्युजिल्यान्ड १९ ओभर ४ बलमा २ सय २५ रन बनाउँदै अलआउट भयो । न्युजिल्यान्डका फिन एलनले ८० रन बनाए । भारतका अर्शदीप सिंहले ५ विकेट लिए ।
त्यसअघि केरालामा टस जितेर ब्याटिङ गरेको भारतले ५ विकेट गुमाएर २ सय ७१ रन बनायो । भारतका इशान किशनले १ सय ३ रनको शतकीय पारी खेले । न्युजिल्यान्डका लकी फर्ग्युसनले २ विकेट लिए । यी दुवै टोलीका लागि यो शृङ्खला आउँदो शनिवारदेखि हुने टी–२० विश्वकपको तयारीका रूपमा रहेको थियो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया