दार्चुला। राष्ट्रिय स्वतन्त्र पार्टी (रास्वपां)ले आज धनगढीमा चुनावी कार्यक्रम गर्ने भएको छ ।
रास्वपा सभापति रवि लामिछाने र वरिष्ठ नेता बालेन्द्र शाहले कार्यक्रममा सम्बोधन गर्ने जनाइएको छ । यसअघि जनकपुरमा रास्वपाले पहिलो प्रदेशस्तरीय कार्यक्रम गरेको थियो ।
रास्वपा सुदूरपश्चिम प्रदेश सभापति प्रकाश विष्टका अनुसार चुनावी सभाको लागि लामिछाने हिजै धनगढी आइसकेका छन् भने शाह आज आउँदैछन् । ११ बजेदेखि चुनावी सभा सुरु हुने सभापति विष्टले जानकारी दिनुभयो।
धनगढीको चुनावी सभालाई सम्बोधन गरेर फागुन ७ गते सुर्खेतमा चुनावी कार्यक्रम गर्न लागिएको रास्वपाले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
