दार्चुला । दार्चुलाको मालिकार्जुन गाउापालिकामा पनि निषेधाज्ञा जारी गरिएको छ । गाउँपालिका भित्र नयाँ भेरियन्ट सहितको कोरोना भाइसरका संक्रमित थपिन थालेपछि गाउँपालिकाभरी निषेधाज्ञा जारी गरिएको हो ।
गाउँपालिका स्तरीय कोभिड १९ संकट व्यवस्थापन तथा नियन्त्रण समितिको सिफारिसमा गाउँपालिका भरि बैशाख २० गते सोमबार विहान ६ बजे देखि बैशाख ३१ गते बेलुकी ६ बजे सम्मका लागि निषेधाज्ञा जारी गरिएको जिल्ला प्रशासन कार्यालय दार्चुलाले जनाएको छ ।
निषेधाज्ञा अवधिभर गाउँपालिका भित्रका अत्यावश्यक सेवा, खाद्यान्न र ओषधी पसल बाहेक सम्पुर्ण बजार क्षेत्र बन्द गर्ने निर्णय गरिएको छ । निषेधाज्ञाको अवज्ञा गरेको पाईएमा संक्रामक रोग एन २०२० अनुसार कार्वाही गरिने प्रशासनले जनाएको छ ।
मालिकार्जुनमा निषेधाज्ञा जारी भएसंगै दार्चुलाका निषेधाज्ञा जारी हुने पालिकाको संख्या ५ पुगेको छ । यस अघि जिल्लाको मार्मा गाउँपालिका, महाकाली नगरपालिका, शैल्यशिखर नगरपालिका र व्याँस गाउँपालिकाको वडा नम्बर ६ मा निषेधाज्ञा जारी गरिएको छ । स्रोतका अनुसार लेकम गाउँपालिकामा समेत निषेधाज्ञा जारी गर्ने तयारी गरिएको छ ।
दार्चुलामा कोरोनाको दोस्रो लहर सुरु भए यता १३ स्वास्थ्यकर्मी सहित ६० जनामा कोरोना संक्रमण पुष्टि भइसकेको छ। जिल्लाभरी ६० जना कोरोनाका सक्रिय संक्रमित रहेको स्वास्थ्य कार्यालय दार्चुलाले जनाएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया