दार्चुला । दार्चुलामा आज थप ५२ जानमा कोरोना संक्रमण पुष्टि भएको छ । एन्टीजेन र पीसीआर विधिबाट गरिएको परीक्षणमा जिल्लामा थप ५२ जनामा संक्रमण पुष्टि भएको स्वास्थ्य कार्यालय दार्चुलाले जनाएको छ ।
पीसीआर विधिबाट शैल्यशिखर नगरपालिकाका २८ जना र नौगाड गाउँपालिकाका २३ जनामा संक्रमण पुष्टि भएको छ । जिल्ला अस्पताल दार्चुलामा गरिएकोे एन्टीजेन परीक्षणमा थप एक जनामा संक्रमण पुष्टि भएको स्वास्थ्य कार्यालय दार्चुलाका सिआइसिटी सहजकर्ता सुरज सुजन बोहराले जानकारी दिनुभयो ।
आज थपिएका सहित दार्चुलामा कोरोना संक्रमण पुष्टि हुनेको संख्या ५ सय २४ पुगेको छ । हालसम्म संक्रमण मुक्त हुनेको संख्या १५० पुगेको बोहराले बताउनुभयो ।
जिल्लामा कोरोनाको दोस्रो लहर सुरु भए यता दुई महिला र ८ पुरुष गरी १० जनाको कोरोना सक्रमणको कारण ज्यान गएको स्वास्थ्य कार्यालय दार्चुलाले जनाएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया