दार्चुला । विश्व माहामारीको रुपमा फैलिएको दोस्रो लहरको कोरोना भाइरसको संक्रमण रोकथाम तथा नियन्त्ररणको लागी लेकम गाउँपालिका वडा नम्बर ३ का युवाहरुले आर्थिक सहयोग जुटाउन अभियान सञ्चालन गरेका छन ।
लेकम गाउँपालिकामा पनि कोरोना संक्रमण फैलिएकोले यसको रोकथाम तथा नियन्त्रणको लागी कोरोना बिरुद्धका सुरक्षात्मक र स्वास्थ्य सामाग्री खरिदका लागी युवाहरुले आर्थिक सहायता अभियान सञ्चालन गरेका हुन ।
गाउँपालिकामा दिन प्रतिदिन कोरोना संक्रमित थपिन थालेपछि संक्रमित भइहाले उपचार गर्न नसक्ने सर्वसाधारण जनताको उपचारमा सहयोग गर्ने उद्धेश्यले कोरोना विरुद्धको अभियान सञ्चालन गरेको अभियान्ता जगत सिंह ऐरले जानकारी दिनुभयो ।
अभियान अन्तरगत हाल सम्म ९८ हजार ७ सय ६ रुपैया नगद सहयोग प्राप्त भएको अर्का अभियान्ता डम्बर सिंह भण्डारीले जानकारी दिनुभयो । त्यस्तै २६ हजार ३० रुपैया बराबरको स्वास्थ्य सामग्री र २ सय थान मास्क, ६ थान पिपिई सेट प्राप्त भएको उहाँले बताउनुभयो ।
सहयोग रकमबाट १० लिटर सेनिटाइजर, १ थान स्टेचर, ८ सय थान सर्जिकल मास्क, २ थान जरो नाप्ने डिजिटल थर्मोमिटर, ६ थान पिपिइ, २ थान अक्सोमिटर, २ थान फेस टक र अन्य अत्यावश्यक औषधी खरिद गरिएको उहाँले बताउनुभयो ।
हेर्नुहोस हालसम्म आर्थिक सहयोग गर्नेहरुको नामावली
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया