दार्चुला। दार्चुलामा जारी निषेधाज्ञा असार १० गते सम्म लम्ब्याइएको छ । आइतबार (आज) बसेको जिल्ला कोभिड–१९ संकट व्यवस्थापन केन्द्र दार्चुलाको बैठकले सिफारिश गरेपछि जिल्ला प्रशासन कार्यालय दार्चुलाले आगामी असार १० गतेसम्म निषेधाज्ञा थपेको हो ।
यसअघि जारी निषेधाज्ञा आइतबार (आज) राती १२ बजे सकिदैछ । जिल्लामा कोरोना संक्रमणको जोखिम कायमै रहेकोले असार १० गते राती १२ बजेसम्म लागू हुनेगरि पाँचौ पटक निषेधाज्ञा थप गरिएको प्रमुख जिल्ला अधिकारी सिद्धराज जोशीले जानकारी दिनुभयो।
निषेधाज्ञा जारी राखेपनि केहि मापदण्डहरु खुकुलो पारिएको छ । सोमबारदेखि बजार बिहान ६ बजेदेखि १० बजेसम्म र बैंक तथा वित्तिय संस्थाहरु बिहान ९ः३० बजेदेखि दिउँसो १ बजेसम्म जनस्वास्थ्यका मापदण्डहरुको कडाईका साथ पालना गरी सञ्चालन गर्न सकिने प्रमुख जिल्ला अधिकारी जोशीले बताउनुभयो ।
यसअघि जिल्लामा खाद्यान्न, तरकारी फलफूल, दुग्धजन्य पसल बिहान ४ घण्टा र बैंक तथा बित्तिय संस्थाहरुले बिहान २ घण्टा मात्रै सेवा दिइरहेका थिए । अहिले संक्रमण दरमा केहि कमी आएको र व्यवसायी र सेवाग्राहीहरुको मागलाइ समेत मध्यनजर गरेर समय थप गरिएको प्रशासनले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया