दार्चुला । नेकपा एमाले शैल्यशिखर नगरपालिकाको अधिवेसन उद्धाटन भएको छ । एमाले नगर कमिटी अध्यक्ष रणबहादुर खत्रीको अध्यक्षता एबं नेकपा एमालेका केन्द्रिय सदस्य एबं सुदूरपश्चिम प्रदेश कमिटी सहइन्चार्ज गणेशसिंह ठगुन्नाको प्रमुख आतिथ्यतामा अधिवेसन उद्धाटन भएको हो । आजै नगर कमिटी चयन गरेर अधिवेसन सम्पन्न हुने नेकपा एमाले जिल्ला कमिटी सचिवालय सदस्य बिजयसिह धामीले जानकारी दिनुभयो ।
नेकपा नेकपा एमालेले दार्चुलाका नौँ मध्ये छ वटा स्थानीय तहमा पालिका अधिवेसन सम्पन्न गरेको छ । ६१ वडा रहेको जिल्लामा व्यास गाउँपालिका वडा नम्बर १ बाहेक ६० वडामा वडा अधिवेशन सहमतिमै नेतृत्व चयन गर्दै सम्पन्न भएको छ । शैल्यशिखर, लेकम र मालिकार्जुन गाउँपालिकावाहेक छ वटा स्थानीय तहमा पालिकास्तरीय अधिवेसन सम्पन्न भइसकेको नेकपा एमाले दार्चुलाका अध्यक्ष रामदत्त जोशीले जानकारी दिनुभयो । शैल्यशिखरमा अधिवेसन शुरु भइसकेको र आजै सम्पन्न हुने उहाँले बताउनुभयो ।
जिल्ला सदरमुकामस्थित महाकाली नगरपालिकामा नरसिंह चैसीर नगर कमिटी अध्यक्ष चयन हुनुभएको छ । मार्मा गाउँपालिकामा धिरेन्द्रसिह बिष्ट, नौगाड गाउँपालिकामा जनकसिंह ठगुन्ना, व्यास गाउँपालिकामा मंगलसिंह धामी, दुहुँ गाउँपालिकामा जंगबहादुर बम, अपिहिमाल गाउँपालिकामा पोखरसिह रोकाय गाउँपालिका कमिटी अध्यक्ष चयन हुनुभएको छ । बुधबार शैल्यशिखर नगरपालिकामा नेतृत्व चयन हुदैछ ।
लेकम गाउँपालिकामा कात्तिक १८ गते र मालिकार्जुन गाउँपालिकामा कात्तिक १९ गते पालिका अधिवेसनको आयोजना गरिएको नेकपा एमाले दार्चुलाका प्रचारप्रसार विभाग प्रमुख खडक बडालले जानकारी दिनुभयो ।
दार्चुलाका सबै पालिकामा सासंद, नेकपा एमालेका केन्द्रिय सदस्य एबं सुदूरपश्चिम प्रदेश कमिटी सहइन्चार्ज गणेशसिंह ठगुन्नाको प्रमुख आतिथ्यतामा अधिवेसन आयोजना गरिएको छ । एमाले दार्चुलाले जिल्ला अधिवेसन मंसिर ६ र ७ गते जिल्ला सदरमुकाम खलंगामा आयोजना गर्ने निर्णय गरेको छ । सबै पालिकाको अधिवेसन सम्पन्न गरेर कात्तिक २२ गते खलंगामा अधिवेसन आयोजक कमिटीको बैठक आयोजना गरिने बडालले बताउनुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया