दार्चुला । दार्चुलाको लेकम गाउँपालिका वडा नम्बर ५ रिठाचौपाता कठेकुडामा मोटरसाइकल दुर्घटना हुँदा एक जना युवा घाइते हुनुभएको छ । घरबाट जयपुर जात्रा आउने क्रममा शनिबार राती सवा ८ बजेको समयमा कठेकुडामा मोटरसाइकल दुर्घटना हुँदा मोटरसाइकल चालक २४ बर्षीय देबराज मिश्र घाइते भएको इलाका प्रहरी कार्यालय रिठाचौपाताले जनाएको छ ।
घाइते मिश्रलाई उपचारको लागि शनिबार राती नै जीपमा रिठाचौपाताबाट धनगढी लगिएको छ । घाइतेको टाउको र हातमा चोट लागेको छ । सोहि मोटरसाइकलमा सवार प्रकाश मिश्र भने सकुशल रहेको बताइएको छ । जयपुर जात्रा आउने क्रममा मोटरसाइकल सडकबाट झण्डै १० मिटर तल खसेर दुर्घटना भएको प्रहरीले बताएको छ । मोटरसाइकलमा समेत क्षती पुगेको प्रतक्षदर्शीहरुले बताएका छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया