दार्चुला । सोमबार साँझ बैतडीमा जीप दुर्घटना हुँदा फरार भएका चालक घाइते अवस्थामा फेला परेका छन्। बैतडीको पाटन नगरपालिका ५ अड्तोलाका जीप चालक खेमराज पाण्डे गएराति घाइते अवस्थामा फेला परेको इलाका प्रहरी कार्यालय पाटनका प्रमुख प्रहरी निरीक्षक राजेश शाहीले बताउनुभयो । चालकको डडेल्धुरा अस्पतालमा उपचार भइरहेको छ।
दुर्घटनामा परी सुर्नया गाउँपालिका वडा नं ४ का २ जना र पाटन नगरपालिका वडा नं १ सकारका ३ जना गरी ५ जनाको मृत्यु भएको थियो। दुर्घटनामा परी घाइते भएका ५ जना यात्रु मध्ये २ जनाको डडेल्धुरा अस्पतालमा उपचार भइरहेको छ भने तीन जनाको पाटन प्राथमिक स्वास्थ्य केन्द्रमा उपचार भइरहेको प्रहरी निरीक्षक शाहीले बताउनुभयो ।
पाटन नगरपालिका १ सकारका मानध्वज भट्टराई र ओमप्रकाश भट्टराईको डडेल्धुरामा उपचार भइरहेको हो। सकारकै विष्णु भट्टराई, दीपक भट्टराई र गोविन्दी विकको प्राथमिक स्वास्थ्य केन्द्र पाटनमा उपचार भइरहेको छ। यस्तै मृतक ५ जनाको शव परीक्षणका लागि पाटन प्राथमिक स्वास्थ्य केन्द्रमा राखिएको छ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया