दार्चुला । दार्चुलाको मालिकार्जुन गाउँपालिका घर बताउने एक बालिका नवलपरासीमा अचेत अवस्थामा फेला परेकी छन् । पुष ६ गते १ बजेको समयमा नवलपरासी बर्दघाट नगरपालिका वडा नम्बर ४ फलफुलचोकमा मालिकार्जुनकी कबिता धामी अचेत अवस्थामा फेला परेको प्रहरीले जनाएको छ । बर्दघाटमा स्थानीय मानिसहरुले बालिका सडक खण्डमा अचेत अबस्थामा रहेको छ भन्ने जानकारी गराए पश्चात कबितालाई चिसापानी अस्पतालमा लगेर उपचार गराएपछि होसमा आएको जिल्ला प्रहरी कार्यालय नवलपरासीले जनाएको छ ।
ति बालिका होसमा आए पश्चात सोधपुछ गर्दा दार्चुलाको मालिकार्जुन गाउँपालिका घर भएको बताएको प्रहरीको भनाई छ । बुवाको नाम दिपक धामी र आमाको नाम पार्वती धामी बताउने ति बालिका अन्दाजी १५ बर्षीया छिन् । अहिले बालिकाको चिसापानी अस्पताल बर्दघाटमा उपचार भैरहेको हुँदा उनलाई चिन्ने मानिस तथा आफन्तले प्रहरी कार्यालयको सम्पर्क नम्बर ०७८ ५८०१८० र ९८५७०८१४५९ मा सम्पर्क गर्नुहुन अनुरोध गरिएको छ । ति बालिकाले वडा नम्बर बताउन नसकेको बताइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया