दार्चुला । शैल्यशिखर नगरपालिका वडा नम्बर ८ का वडा सदस्य केशबदत्त जोशीले शैल्यशिखर ८ मा रहेको गलैनाथ माबि झरकडामा अद्ययनरत ३२ जना टुहुरा बालबालिकालाई कम्बल वितरण गर्नुभएको छ ।
विद्यालयका शिक्षक अभिभावक संघका अध्यक्ष धर्मानन्द जोशीको अध्यक्षता तथा नेकपा एमाले दार्चुलाका निर्वतमान अध्यक्ष रामदत्त जोशीको प्रमुख आतिथ्यतामा एक अनौपचारीक कार्यक्रमका बिच टुहुरा विद्यार्थीलाई न्यानो कम्बल वितरण गरिएको विद्यालयका प्रधानाद्यापक जयधन जोशीले जानकारी दिनुभयो ।
विद्यार्थीलाई कम्बल वितरण गरेकोमा वडा सदस्य जोशीलाई विद्यालय परिवारले धन्यबाद ज्ञापन गरेको छ । वडा सदस्य जोशी विगतदेखि नै सामाजिक सेवामा विभिन्न गतिविधि सञ्चालन गर्दै आउनुभएको छ ।
नेकपा एमालेबाट निर्वाचित वडा सदस्य जोशीले केही दिन पहिले शैल्यशिखरको वडा नम्बर ७ र ८ मा कार्यरत महिला स्वास्थ्य स्वयमसेविकाहरुलाई समेत कम्बल वितरण गरेको स्वास्थ्यकर्मी कृष्णनन्द पन्तले जानकारी दिनुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया