दार्चुला । बैतडीमा एक महिला मृत फेला परेकी छिन् । जिल्लाको दोगडाकेदार गाउँपालिका २ मल्लागाउँकी अन्दाजी ४० बर्षीय चन्द्रा महरा मृत फेला परेकी जिल्ला प्रहरी कार्यालय बैतडीका प्रवक्ता प्रहरी निरीक्षक दर्शन खड्काले बताउनुभयो ।
आइतबार बिहान खाना खाएर बाख्रा चराउन गएकी महरा घर नआएपछि परिवारजनले खोजी गरेका थिए । खोजी गर्दै जाँदा सोमबार राती वडा सदस्य दानसिंह महराको बाँझो घरमा चन्द्राको शव फेला परेको प्रहरी निरीक्षक खड्काले बताउनुभयो। शव फेला परेपछि गाउँलेहरु नै प्रहरीलाई खबर गरेका थिए ।
चन्द्राको शव पोष्टमार्टमका लागि जिल्ला अस्पतालमा राखिएको छ भने मृत्युको कारण भने खुली नसकेको प्रहरीले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया