दार्चुला । दार्चुलाको गोकुलेश्वर माबिमा आज (शनिबार) देखि आखा शिविर सञ्चालन भइरहेको छ । शिविरमा सेवा दिनका लागि इस्मत अधिकारी नेतृत्वमा १५ जनाको टोली गोकुलेश्वर आइपुगेको छ । नेपाल नेत्रज्योति संघद्धारा संञ्चालित गेटा आखा अस्पतालले शैल्यशिखरको गोकुलेश्वरसहित दार्चुलाका तीन पालिकामा आखा शिविर संञ्चालन गर्ने भएको छ ।
गेटा आखा अस्पतालका प्रमुख मेडिकल निर्देशक सुरेशराज पन्तका अनुसार शैल्यशिखर नगरपालिका, मालिकार्जुन गाउँपालिका र महाकाली नगरपालिकाको सहकार्यमा गोकुलेश्वर, पस्ती र खलंगामा आखा शिविर संञ्चालन गर्ने तयारी भएको छ । गोकुलेश्वर माबिमा आज भदौ २५ गतेदेखि २७ गतेसम्म शिविर सञ्चालन हुने शिविर संयोजक नरेन्द्र बिष्टले बताउनुभयो ।
मालिकार्जुन गाउँपालिकाको शंकरपुर मावि पस्तीमा भदौ २९ र ३० गते र महाकाली नगरपालिकाको महेन्द्र नमुना मावि खलंगामा असोज १ देखि ३ गते सम्म शिविर संञ्चालन हुने उहाँले बताउनुभयो । आखा शिविरमा मोतिविन्दु लगायतका आखा सम्बन्धि रोगको निःशुल्क शल्यक्रिया तथा औषधि उपचार गरिने, चश्माको आवश्यकता भएका विरामीलाई सुपथ मुल्यमा चश्मा उपलब्ध गरिने उहाँको भनाई छ । शिविरमा सहभागि भइ सेवाको मौका लिनुहुन आखाका रोगीहरुलाई आयोजनले अनुरोध गरेको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया