दार्चुला । दार्चुलाको नौगाडमा जिप दुर्घटना हुँदा चार जना घाइते भएका छन् । नौगाड गाउँपालिका वडा नम्बर ४ होपरीमा आइतबार बिहान से १ ज १०७८ नम्बरको जिप दुर्घटनामा परेर चालकसहित चार जना घाइते भएको लोकदर्पण समाचारदाता श्यामसिंह धामीले जानकारी दिनुभयो ।
होपरीदेखि सिप्टी जाँदै गरेको जिप सडकबाट अन्दाजी २ सय मिटर तल खसेको थियो । जिप दुर्घटनामा परी घाइते भएका चार जना मध्ये तीन जना घाइतेलाई धनगढी रेफर गरिएको छ भने एक जनाको गोकुलेश्वर अस्पातलमा उपचार भइरहेको जिल्ला प्रहरी कार्यालय दार्चुलाका प्रवक्ता एबं प्रहरी निरीक्षक जगत गाहा मगरले जानकारी दिनुभयो ।
दुर्घटनामा परी घाइते भएका नौगाड ४ होपरीका जिप चालक धनबहादुर धामी, सोही ठाउँका कमलेश टमटा र धनबीर ठगुन्नालाई धनगढी रेफर गरिएको छ । यस्तै नौगाड ४ का सुरेश ठगुन्नाको भने गोकुलेश्वर अस्पतालमा उपचार भइरहेको छ । कच्ची सडकमा बर्षातले सडक हिलाम्य भएका कारण दुर्घटना भएको हुन सक्ने प्रारम्भीक अनुमान गरिएको र घटनाबारे थप अनुसन्धान भइरहेको प्रहरी निरीक्षक मगरले बताउनुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया