दार्चुला । बैतडीको प्रसिद्ध निङ्गलाशैनी भगवती मन्दिरमा पशुबलि सहित जात्रा सम्पन्न भएको छ । महासप्तमीका दिनदेखि शुरु भएको जात्रा पशुबलि पछि आज सम्पन्न भएको निङ्गलाशैनी भगवती धार्मिक सेवा समितिका अध्यक्ष मानबहादुर बोहराले बताउनुभयो ।
निङ्गलाशैनी भगवती मन्दिरमा तीन सय राँगा र तीन सय बोकाको बलि दिइएको बताइएको छ । निङ्गलाशैनी भगवती मन्दिरमा बैतडीका शक्तिपिठमध्ये सबैभन्दा बढी पशुबलि दिने गरिन्छ ।
निङ्गलाशैनी भगवती मन्दिरमा महाष्टमी र चैत्राष्टमीमा लाग्ने जात्रा बलिसहित हुने भएपनि अनन्त चतुर्दशी र मंसिर शुक्ल पूर्णिमका दिन लाग्ने मेलामा बलि नहुने बताइएको छ । निङ्गलाशैनी भगवती मन्दिरमा लाग्ने जात्रामा टाढा–टाढाका भक्तजनहरु आउने गरेका छन् ।
तस्बिरः सुरेश महराको फेसबुकबाट
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया