दार्चुला । बर्दियामा आगलागी हुँदा चार जनाको मृत्यु भएको छ भने एक जना घाइते भएका छन्। जिल्लाको गुलरिया नगरपालिका वडा नम्बर ४ तुलापुरस्थित भरत चन्दको घरमा आगलागी हुँदा चारजनाको मृत्यु भएको वडाध्यक्ष सुरेश गौतमले जानकारी दिनुभयो।
आगलागीमा परी मृत्यु हुनेमा भरतका दुई छोरा आठ वर्षीय कृष र दुई वर्षीय कार्तिकको मृत्यु भएको हो। यस्तै उनकी दिदी ३५ वर्षीय राधा बुढा र भाञ्जी मानुषीको पनि मृत्यु भएको जिल्ला प्रहरी कार्यालयका डीएसपी तुलसीराम अर्यालले बताउनुभयो।
भरतकी २८ वर्षीया श्रीमती करिश्मा घाइते भएकी छिन्। उनको गुलरिया अस्पतालमा उपचार भइरहेको छ ।
वडाध्यक्ष गौतमका अनुसार राति १० बजेतिर आगलागी भएको हो। चिसोका कारण बालेर कोठामा छाडिएको मकलबाट बिछ्यौना हुँदै आगो सल्किएको जानकारी पाएको उहाँले बताउनुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया