दार्चुला । महाकाली राजमार्ग अन्तर्गत दार्चुलाको मालिकार्जुन गाउँपालिकाको वडा नम्बर ८ थप्तोलीमा दुई वटा बस एकआपसमा ठोकिएका छन्।
दार्चुला सदरमुकामबाट महेन्द्रनगरका लागि छुटेको पवनदुत यातायातको सु.प.प्र. ०२००१ ख ११४७ नम्बरको बस र मालिकार्जुनबाट दार्चुला सदरमुकामका लागि छुटेको सु.प.प्र.०१००१ ख २३९३ नम्बरको नगर बस एकआपसमा ठोक्किएका हुन् ।
सोमबार दिउँसो दुई बस एकआपसमा ठोक्किँदा बसहरुमा क्षति पुगेको भएपनि मानवीय क्षति नभएको जिल्ला प्रहरी कार्यालय दार्चुलाले जनाएको छ ।
यात्रुहरूका अनुसार सडक साघुरो रहेको र गाडी तिब्र गतिमा रहेकाले दुबै बस ठोक्किएका हुन् । गाडी सडक भन्दा बाहिर गएको र दुर्घटनाबाट जोगिएको बताइएको छ । यात्रु सबै सकुशल रहेको प्रतक्षदर्शीहरूले बताएका छन् ।
महाकाली नगरपालिकाको नगर बस मालिकार्जुन जात्राका लागि खटिएका सुरक्षाकर्मी बोकेर सदरमुकामतर्फ गइरहेको बताइएको छ ।
सो ठाउँमा अहिले राजमार्ग अवरुद्ध भएको छ । अवरुद्ध राजमार्ग खुलाउने प्रयास भइरहेको प्रहरीले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया