दार्चुला । दार्चुलाको लेकम गाउँपालिका वडा नम्बर ५ मा अवस्थित लटिनाथ नमुना मावि चौपातामा साउन महिनाबाट जारी रहेको राष्ट्रिय सेवा दल (एनसीसी) को विद्यालयस्तरीय तालिम सम्पन्न भएको छ । मावि चौपातामा साउन ५ गतेबाट सुरु भएको राष्ट्रिय सेवा दल तालिम विद्यालयमा सम्पन्न भएको हो । विद्यालयमा सिकेको सीप, कलालाई प्रस्तुत गर्न तथा थप तालिम लिनका लागि एनसीसीमा आवद्ध विद्यार्थीसहितको टोली प्रशिक्षक र संरक्षक शिक्षकसहित आइतबार (आज) कोहलपुर प्रस्थान गरेको छ ।
कोहलपुरमा हुने २१ दिने तालिमका लागि चौपातामा सञ्चालित एनसीसी तालिमका सहभागी ३४ जना विद्यार्थीहरुलाई विदाइ गरिएको बताइएको छ । कोहलपुरमा थप २१ दिने अभ्यास शैन्य तालिमको लागी आज रिठाचौपाताबाट टोली कोहलपुर प्रस्थान गरेको राष्ट्रिय सेवा दल (एनसीसी) का लिडर अनिल कुमार धिनालले बताउनुभयो । विद्यार्थीहरुले सिकेका विभिन्न प्रयोगात्मक तथा अन्य सीपहरुसहित पुस ६ गते विद्यालयमा अभिभावक प्रदशर्नी कार्यक्रम (परेड सो) को समेत आयोजना गरीएको थियो ।
कोहलपुरमा आयोजना हुने तालिममा सहभागी विद्यार्थीहरुको संरक्षक शिक्षकको तर्फबाट दिपक जोशीलाई समेत विद्यार्थीसंगै कोहलपुर पठाइएको छ । कोहलपुरमा २१ दिनको थप शैन्य तालिम लिएपछि विद्यार्थीहरु पुनः विद्यालयमै फिर्ता हुनेछन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया