दार्चुला । एमाले सुदूरपश्चिम प्रदेश कमिटीको बैठकले प्रदेश कमिटीका सदस्यहरुको जिम्मेवारी विनियोजन गरेको छ । भाद्र १० गते सुदूरपश्चिम प्रदेशको राजधानी धनगढीमा सम्पन्न चाथौँ बैठकले प्रदेश कमिटी सदस्यहरुको जिम्मेवारी हेरफेर गरेको हो । जसअन्र्तरगत दार्चुलाका तीन जना नेताहरुले नयाँ जिम्मेवारी पाएका छन् ।
युवा संघ नेपाल सुदूरपश्चिम प्रदेश इन्चार्जको जिम्मेवारी उमेश सिंह खत्रीलाई दिइएको छ । यस्तै एमाले जिल्ला कमिटी दार्चुलाका निर्वतमान अध्यक्ष प्रेम सिंह धामीलाई स्थानीय विकास विभाग प्रमुखको जिम्मेवारी दिइएको छ । यस्तै प्रदेश कमिटी सदस्य कृष्ण सिंह धामीलाई मार्मा गाउँपालिका इन्चार्जको जिम्मेवारी दिइएको एमाले सुदूरपश्चिम प्रदेश कमिटी अध्यक्ष कृष्ण प्रशाद जैशीले जानकारी दिनुभयो ।
भाद्र १० गते सुदूरपश्चिम प्रदेशको राजधानी धनगढीमा प्रदेश कमिटी अध्यक्ष कृष्ण जैशीको अध्यक्षता एंव केन्द्रिय महासचिव शंकर पोखरेलको प्रमुख आतिथ्यतामा सम्पन्न बैठकले उक्त नेताहरुलाई जिम्मेवारी दिएको हो ।
प्रदेश कमिटीका अनुसार नेताहरुको कार्यसम्पादनका आधारमा जिम्मेवारी दिईएको बताईएको छ । दार्चुलाका तीन जना नेतासहित प्रदेशभरी विभिन्न जिल्लाका नेताहरुले विभिन्न जिम्मेवारी पाएका छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया