दार्चुला । अर्घाखाँचीकाे सितगङ्गा- ११ मा प्रहरीद्वारा हिजो जन कम्युनमा गरेको सर्चविरुद्ध नेत्रविक्रम चन्द ‘विप्लव’नेतृत्वको नेपाल कम्युनिस्ट पार्टी (माओवादी)ले संघर्षको कार्यक्रम घोषणा गरेको छ ।
आज सम्पन्न स्थायी समितिको बैठकले संघर्षको कार्यक्रम घोषणा गरेको केन्द्रीय सदस्य शेरबहादुर विश्वकर्माले जानकारी दिए ।
नेकपा माओवादीले घोषणा गरेको कार्यक्रम अन्तर्गत पुस १२ गते बेलुका देशव्यापी मशाल जुलुस, पुस १३ देशभर कोणसभा पुस १४ बिरोध प्रदर्शन र पुस १५ अन्तक्रिया कार्यक्रम गर्ने तालिका रहेको छ ।
प्रहरीले हिजो ‘विप्लव’नेतृत्वको नेकपा (माओवादी) को अर्घाखाँचीस्थित कम्युनमा विस्फोटक पदार्थ बरामद गरेको थियो ।
जनकम्युन सर्च गर्दा भरूवा बन्दुक दुई थान, ग्रिनेड १४ वटा, डेटोनेटर १२ वटा, लामो लन्चर जस्तो देखिने प्लास्टिकको पाइप ३ वटा, पाँच लिटरको प्रेसर कुकर बम एउटा, स्टिलको बम एउटा, बिजुलीको तार ४ बन्डल, बारूद ५०० ग्रामलगायतका विस्फोटक पदार्थ फेला परेको थियो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया