दार्चुला । प्रधानमन्त्री केपी शर्मा ओलीले नेकपा आफ्ना नातेदारको पार्टी नभएको बताउनुएको छ ।
नेकपा पुष्पकमल दाहाल‘प्रचण्ड’–माधव नेपाल समूहलाई लक्षित गर्दै उहाँले नेकपा जनताको पार्टी भएको बताउनुभयो ।
शुक्रबार धनगढीस्थित खुलामञ्चमा नेकपा ओली समूह सुदूरपश्चिले आयोजना गरेको जनसभामा बोल्दै उहाँले नेकपा छोरीबुहारी, सम्धी, सालासालीको पार्टी नभई नेपाली जनताको भएको बताउनुभयो ।
यस्तै उहाँले प्रचण्ड–नेपाल समूहलाई भगौडाको संज्ञा दिनुभएको छ । नेकपा ओली समूहले धनगढीमा आयोजना गरेको जनसभालाई सम्बोधन गर्दै उहाँले पार्टी छोडेर भागेका भगौडाको कुरा नसुन्नु आग्रह गर्नुभयो । सुखी नेपाली समृद्ध नेपालको अभियानमा आफू लागेको पनि उहाँले दाबी गर्नुभयो ।
प्रधानमन्त्री ओलीले अर्को नेकपा पुष्पकमल दाहाल‘प्रचण्ड’–माधव नेपाल समूहले आफुसँग बहुमत सांसद भएको दाबी गर्नु मुर्खता भएको बताउनुभएको छ ।
तीन करोड मान्छेमा दुई सय ६५ जना उता जादा केही फरक नपर्ने उहाँले टिप्पणी गर्नुभयो । उहाँले प्रचण्ड-नेपाल समुहलाई कम्तीमा १० सिट ल्याएर देखाउन पनि चुनौती दिनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया