दार्चुला । दार्चुलाको शैल्यशिखर नगरपालिका वडा नम्बर ६ ग्वानीमा भिरबाट लडेर एक महिला घाइते हुनुभएको छ । इलाका प्रहरी कार्यालय गोकुलेश्वरका अनुसार व्यास गाउँपालिका वडा नम्बर ६ घर भएकी नन्दा बोहरा बसबाट झरेर पिसाब फेर्न जादा भिरबाट लडेर घाइते हुनुभएको हो । बोहरा भिरबाट १३० मिटर तल खसेको बताइएको छ ।
दार्चुलाबाट महेन्द्रनगरका लागि छुटेको ना ५ ज ३८३३ नम्बरको बसमा यात्रा गर्दै गरेका ति महिलाको साथमा उहाँकै श्रीमान समेत रहेको प्रहरीले जनाएको छ । घाइतेलाई उपचारका लागि मंगलबार बेलुकी नै गोकुलेश्वर अस्पताल लगिएको थियो । गोकुलेश्वरबाट सोही गाडीमा धनगढी रेफर गरिएको प्रहरीले जनाएको छ ।
पिसाब फेर्नका लागि बाटोमा सार्वजनिक सौचालय नभएका कारण एकान्तमा जान खोज्दा अध्यारोमा झुक्कीएर भिरबाट लडेको प्रहरीले जनाएको छ । घाइते महिलाको टाउकोमा चोट लागेको छ ।
सम्बन्धित समाचारः ग्वानीमा बस रोकेर पिसाब फेर्न गएकी महिला भिरबाट लडेर घाइते
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया